जवळेकडलग - वडगाव लांडगा रस्ता लोकनेते बाळासाहेब थोरात यांच्या पाठपुराव्यातूनच By Admin 2025-04-15

दैनिक आनंद News (प्रतिनिधी)

जवळेकडलग - वडगाव लांडगा रस्ता लोकनेते बाळासाहेब थोरात यांच्या पाठपुराव्यातूनच

संगमनेर (प्रतिनिधी)--संगमनेर तालुक्यातील विविध गावांमधील रस्त्यांकरता लोकनेते बाळासाहेब थोरात यांनी 2024 मध्येच मुख्यमंत्री ग्राम सडक योजनेतून निधी मिळवला आहे या योजनेमधूनच जवळेकडलग ते वडगाव लांडगा या रस्त्याच्या कामासाठी निधी मंजूर झाला होता अशी माहिती जिल्हा परिषद सदस्य रामहरी कातोरे व विष्णुपंत  रहाटळ यांनी दिली आहे.

याबाबत अधिक माहिती देताना कातोरे व रहाटळ म्हणाले की, संगमनेर तालुका हा विस्तार आणि मोठा आहे. या तालुक्यातील प्रत्येक गावातील वाडी वस्ती करता लोकनेते बाळासाहेब थोरात यांनी मोठा निधी दिला आहे. सातत्याने विकासाच्या योजना राबवल्या आहेत. त्यामुळे ग्रामीण विकासातून संगमनेर तालुका हा प्रगतशील तालुक्यांमध्ये ओळखला जातो आहे.

मुख्यमंत्री ग्रामसडक योजना टप्पा दोन मधून वडगाव लांडगा ते जवळे कडलग या रस्त्या करता लोकनेते बाळासाहेब थोरात यांनी पाठपुरावा करून निधी मिळवला आहे. ज्या रस्त्यांची कामे करावयाची आहे त्या सर्व रस्त्यांचा निधी हा लोकनेते थोरात यांनीच मिळवला आहे.