दैनिक आनंद News (प्रतिनिधी)

फ्लायओव्हरचे काम नागरिकांनी बंद पाडले, सर्व्हिस रस्त्यावरील खड्डे बुजवण्याची मागणी

संगमनेर पुणे-नाशिक : राष्ट्रीय महामार्गावर घुलेवाडी शिवारातील हॉटेल स्टेटसजवळ असणाऱ्या सर्विस रस्त्यावर मोठ्या प्रमाणात खड्डे पडलेले असताना, त्याकडे दुर्लक्ष करून संबंधित ठेकेदार फ्लायओव्हरचे काम करीत असल्याचे निदर्शनास आल्यावर परिसरातील नागरिकांनी हे काम बंद पाडून सर्व्हिस रस्त्यावर पडलेले

खड्डे त्वरित बुजवून दुरुस्ती करण्याची मागणी केली. पुणे-नाशिक राष्ट्रीय महामार्गाचे सध्या रुंदीकरण व काँक्रिटीकरणाचे काम सुरू आहे. तसेच, अनेक ठिकाणी फ्लायओव्हरचे काम सुरू आहे. त्यातच सर्व्हिस रोडवर मोठ्या प्रमाणात खड्डे पडले आहेत. रस्त्याचे काम करताना कोणतीही काळजी घेतली जात नाही. त्यामुळे

अनेक अपघात झाले आहेत. तसेच अपघात होण्याची दाट

शक्यता आहे. ज्या ज्या ठिकाणी फ्लायओव्हरचे काम सुरू आहे.

त्याच्या बाजूने ये-जा करणाऱ्या रस्त्यांना मोठमोठे खड्डे पडले असून, त्याचा त्रास वाहनाना होत आहे. ही सर्व विकासकामे, गुणवत्तापूर्ण, दर्जेदार, टिकावू व निर्धारित वेळेत पूर्ण होणे गरजेचे आहे. या परिसरात अपघात होऊ नये, म्हणून कुठल्याही प्रकारची सुरक्षा व्यवस्था राष्ट्रीय महामार्ग प्राधिकरण विभागाने केलेली नाही, यात आपण लक्ष घालावे