माझी वसुंधरा योजनेअंतर्गत 1.5 कोटींच्या बक्षीस रकमेतून विविध विकासकामे मार्गी - आ.सत्यजीत तांबे     |      संगमनेरमध्ये गुरुवारी भाऊबीज निमित्त रंगणार दिवाळी पहाट गाणी     |      संगमनेर शहरातील रस्त्यांसाठी ५ कोटी रुपयांचा निधी मंजूर - आ खताळ     |      ऐतिहासिक शहागडावर दीपावलीनिमित्त मशाल उत्सव साजरा     |      नदीपात्रात वाहून गेलेल्या विजय कुटेचा मृतदेह तब्बल चौथ्या दिवशी सापडला     |      आमदार अमोल खताळ यांच्या हल्ल्या बाबत मंत्री विखे यांनी सातला निशाणा     |      महाराणा प्रताप मंडळाचा नवदुर्गा मंदिर देखावा पहिल्याच दिवसापासून संगमनेरकरांना पाहता येणार आहे     |      शेतकऱ्यांच्या कर्जमाफीचा विषय महायुतीच्या अजेंड्यावर : उपमुख्यमंत्री शिंदे     |      अनबाउंड स्टुडिओचे आर्किटेक जय चौहान यांचा बेंगलोर येथे विशेष पुरस्काराने सन्मान     |      तालुक्याच्या अस्मितेसाठी 25000 नागरिकांचा भव्य विराट मोर्चा     |     
टेम्पो घरात घुसला; By Admin 2025-02-20

दैनिक आनंद News (प्रतिनिधी)




भींत अंगावर पडून चारजण गंभीर जखमी

संगमनेर |तालुका प्रतिनिधी| Sangamner

शहरालगत असलेल्या घुलेवाडी येथे मालवाहू टेम्पो थेट पत्र्याच्या घरात घुसल्याने भिंत अंगावर पडून चारजण गंभीर जखमी झाले. यामध्ये चालकाचाही समावेश आहे. ही घटना मंगळवारी (दि.18) रोजी रात्री पावणे बारा वाजेच्या सुमारास घडली.घुलेवाडी ग्रामीण रुग्णालयाच्या समोर राजू मनोहर थोरात, सायली राजू थोरात व जुली राजू थोरात हे सर्वजण मंगळवारी रात्री जेवण करून घरात झोपले होते. रात्री पावणे बारा वाजेच्या सुमारास मालवाहू टेम्पो (क्रमांक एमएच.17, सीव्ही.1110) चा चालक अतिष विलास देवकर याचा टेम्पोवरील ताबा सुटून टेम्पो थेट थोरात यांच्या घराची भिंत तोडून सरळ घरात घुसला. यामुळे एकच गोंधळ उडाला. घरातील सदस्यांनी मोठ्याने आरडा-ओरडा केल्याने आजूबाजूच्या नागरिकांनी घटनास्थळी धाव घेतली. घरातील सदस्यांच्या अंगावर भिंत व पत्रे पडले होते. नागरिकांनी पत्रे बाजूला काढून जखमींना बाहेर काढले आणि औषधोपचारासाठी शहरातील खासगी रुग्णालयात दाखल केले. दरम्यान, दैव बलवत्तर असल्याने थोरात कुटुंब हे या अपघातातून बालंबाल बचावले आहे, अन्यथा मोठी घटना घडली असती. याप्रकरणी रात्री उशिरापर्यंत शहर पोलीस ठाण्यात टेम्पो चालकाच्या विरोधात गुन्हा दाखल करण्याचे काम सुरू होते. दरम्यान टेम्पो घरात घुसल्याने या घटनेमुळे थोरात कुटुंबाचे मोठे नुकसान झाले आहे. पुढील तपास पोलीस निरीक्षक रवींद्र देशमुख यांच्या मार्गदर्शनाखाली शहर पोलीस करत आहेत.









Special Offer Ad