शहरातील बसस्थानक ते गवंडीपुरा रस्ता रुंदीकरणाला पुर्ण विराम By Admin 2025-03-10

दैनिक आनंद News (प्रतिनिधी)

शहरातील बसस्थानक ते गवंडीपुरा रस्ता रुंदीकरणाला पुर्ण विराम

संगमनेर शहरातील अतिक्रमण हटाव मोहीम थंडावली , रस्ता रुंदीकरणाचे कामही कासवगतीने 

संगमनेर -  संगमनेर शहरातील तीन बत्ती चौक ते प्रवरा नदी व पंचायत समिती पर्यंतचे अतिक्रमणे मोठा गाजावाजा करत काढण्यात आली. तीन बत्ती चौक ते प्रवरा नदी पर्यंतचे अतिक्रमणे काढल्यानंतर रस्ता रुंदीकरणाचे काम सुरू आहे. मात्र बस स्थानक ते गवंडीपुरा मज्जिद पर्यंत १९२९ सालच्या नोंदीनुसार अतिक्रमणच नसल्याची माहिती मुख्याधिकारी रामदास कोकरे यांनी दिली. यामुळे शहरातील रस्ता रुंदीकरण होणार का नाही याबाबत प्रश्नचिन्ह निर्माण झाले आहे. शिवाय ,दिल्ली नाका परिसरातील रस्ता रुंदीचे करण्याचे कामही सध्या बंदच आहे.