दैनिक आनंद News (प्रतिनिधी)
प्रशासकीय वर्तुळात उंडे यांच्या नियुक्तीचे स्वागत केले जात आहे. त्यांच्या अनुभवाचा संगमनेरच्या विकासासाठी निश्चितच फायदा होईल अशी अपेक्षा आहे.
अहिल्यानगर येथे विशेष भूसंपादन अधिकारी म्हणून कार्यरत असलेले उपजिल्हाधिकारी अरुण उंडे यांची संगमनेर येथील उपविभागीय अधिकारी तथा प्रांताधिकारीपदी नियुक्ती करण्यात आली आहे. महाराष्ट्र शासनाने प्रशासकीय कारणास्तव ही बदली केली असून नुकतेच याबाबतचे आदेश जारी केले असून, उंडे यांना तातडीने आपल्या नवीन पदाचा कार्यभार स्वीकारण्यास सांगण्यात आले आहे.
