दारू पिण्यास पन्नास रुपये दिले नाही म्हणून डोक्यात घातल्या विटा; जखमी अत्यवस्थ By Admin 2025-08-07

दैनिक आनंद News (प्रतिनिधी)

दारू पिण्यास पन्नास रुपये दिले नाही म्हणून डोक्यात घातल्या विटा; जखमी अत्यवस्थ

संगमनेर  : दारू पिण्यास पन्नास रुपये दिले नाही, म्हणून अल्पवयीन तरुणाने एका व्यक्तीच्या डोक्यावर विटांचे प्रहार करत त्याला गंभीर जखमी केले. जखमीवर संगमनेरमधील एका खासगी रुग्णालयात उपचार चालू असून त्यांची प्रकृती अत्यवस्थ आहे.

अल्पवयीन आरोपीला पोलिसांनी ताब्यात घेतले असून त्याची रवानगी बालसुधारगृहात केली आहे. या घटनेला कोणीही प्रत्यक्षदर्शी साक्षीदार नव्हते, मात्र त्याच दारूच्या दुकानातील सीसीटीव्ही कॅमेऱ्यामध्ये ही घटना कैद झाल्याने घडलेला नेमका प्रकार समोर आला.