बिबट्यापासून दहशतमुक्तीसाठी संगमनेर तालुक्यातील हजारो नागरिक रस्त्यावर By Admin 2025-12-15

दैनिक आनंद News (प्रतिनिधी)

जनआक्रोश मोर्चाने राज्य सरकारचे लक्ष वेधले

संगमनेर (प्रतिनिधी)--संगमनेर तालुक्यात वाढलेल्या बिबट्यांच्या हल्ल्यामुळे नागरिकांमध्ये मोठी भीती निर्माण झाली असून सुमारे 12 नागरिकांनी आपला जीव गमावला आहे. बिबट्यांच्या पासून दहशतमुक्तते करता संगमनेर तालुक्यातील हजारो नागरिकांनी रस्त्यावर येऊन सरकार विरोधात आंदोलन केले याच वेळी बिबट्यांची मोजणी करून सर्वांची नसबंदी करा अशी मागणी आमदार सत्यजित तांबे यांनी केली तर महिला, विद्यार्थी यांना भयमुक्त करण्यासाठी शासनाने बिबट्यांबाबत ठोस उपाययोजना करावी अशी मागणी डॉ. जयश्रीताई थोरात यांनी केली आहे.

संगमनेर बस स्थानक येथे संगमनेर तालुका बिबट्याच्या दहशतमुक्ततेसाठी मोठे जन आक्रोश आंदोलन झाले. यावेळी माजी आमदार डॉ. सुधीर तांबे, आमदार सत्यजित तांबे, डॉ .जयश्रीताई थोरात, पांडुरंग पा घुले यांच्यासह संगमनेर तालुक्यातील सर्व पक्षांचे पदाधिकारी कार्यकर्ते व युवकांनी महिला मोठ्या संख्येने उपस्थित होते.



या मोर्चामध्ये सिद्धेश कडलक याचे लहानगे सर्व वर्गमित्र सहभागी झाले होते. याचबरोबर डॉ जयश्रीताई थोरात आपल्या लहान मुलासह मोर्चात  उपस्थित होत्या. बिबट्या हटाव, माणूस बचाव , बिबट्या मुक्त तालुका झालाच पाहिजे या घोषणांनी परिसर दुमदुमला.